Халқаро Пресс-клубнинг навбатдаги сессиясида Халқ таълими вазирининг биринчи ўринбосари Усмон Шарифхўжаев янги авлод дарсликлари билан боғлиқ саволларга жавоб қайтарди.
Қайд этилишича, кеча тақдимоти ўтказилган замонавий дарсликлар маълум ташаббускор гуруҳлар томонидан беғараз тарзда ишлаб чиқилган ва унга ҳозиргача бюджет маблағлари сарфланмаган. Тажриба синови якунланлангач, дарсликлар вазирлик ихтиёрига бепул берилади.
«Аслида дарсликларни яратиш ва чоп этиш қисми бор. Очиғи, дарсликни яратиш уни чоп этишдан кўра қийин ва қиммат жараён. Шу пайтга қадар турли сабаблар билан дарсликлар мазмунига етарли эътибор берилмаган.
Уни чоп этиш жараёнлари эса ўрнатилган тартибда,«Давлат харидлари тўғрисида»ги қонунга асосан, очиқ ва шаффоф тендерлар орқали ўтказилади. Бунинг очиқлигини ОАВ Молия вазирлиги портали орқали ҳам кузатиб, ким қанча дарслик чоп этганини кўриши мумкин», — дейди Усмон Шарифхўжаев.
Шунингдек, мутахассиснинг таъкидлашича, янги авлод дарсликлари апробациядан сўнг Халқ таълим вазирлигига бепул берилади. Янги дарсликларни чоп этиш жараёни очиқ ва шаффоф бўлади.
Мавзуга доир: Янги дарсликларнинг ўзига хослиги нимада?
Изоҳ (0)