МИБ Наманган шаҳар бўлимида қалбаки валютани йўқ қилиш тадбири ўтказилди. Бу ҳақда «Дарё» мухбири Азизбек Абдувалиев хабар бермоқда.
Наманганлик икки фуқаро жами 10 600 АҚШ доллари миқдоридаги сохта пулларни ўтказишга уриниш чоғида қўлга олинганди. Жиноят ишлари бўйича Наманган шаҳар суди томонидан мазкур иш кўриб чиқилиб, айбдорларга тегишли жазо тайинланди.
Суд ижро варақасида ашёвий далил сифатида олинган қалбаки пул бирликларини йўқ қилиниши белгиланганди. Жорий йил 29 декабрь куни МИБ Наманган шаҳар бўлимида ушбу тадбир амалга оширилди.
Ҳуқуқ-тартибот идоралари ва ОАВ вакиллари иштирокида сохта 10 600 АҚШ доллари ёқиб юборилди.
Мавзуга доир:Наманганда қалбаки 8300 долларни сотишга уринган шахс қўлга олинди
Изоҳ (0)