Ёрқин Маликов 30 декабрь куни Ўзбекистон Экспортчилари уюшмаси раиси этиб тайинланди. Бу ҳақда уюшма ахборот хизмати хабар берди.
Қайд этилишича, у шу кунга қадар Экспортчилар уюшмаси раисининг биринчи ўринбосари лавозимида фаолият юритиб келган. Ёрқин Маликов 1987 йил Тошкент шаҳрида туғилган. Миллати — ўзбек. Маълумоти — олий.
Ёрқин Эркинжонович 2010—2018 йиллар давомида «Evro Star Trade» оилавий корхонаси директори ўринбосари бўлиб ишлаган. 2018 йилдан ҳозирга қадар — Prime Holding МЧЖ директори, 2019 йилдан Ўзбекистон Экспортчилари уюшмаси бошқарув раисининг биринчи ўрибосари, шу билан бирга, Халқ депутатлари Олмазор тумани кенгаши депутати сифатида фаолият юритиб келмоқда.
Ёрқинжон Маликов иш фаолияти давомида ўзбекистонлик тадбиркорлардан иборат 30 га яқин делегация ташрифларини амалга оширган. Хусусан, маҳаллий тадбиркорларнинг Афғонистон, Тожикистон, Қирғизистон, Қозоғистон, Туркия каби давлатларда ташкил этилган йирик халқаро кўргазмалар, бизнес-форумларда иштирок этишига бош бўлган.
Изоҳ (0)