Наманганда мукаммал таъмирланган «Матбуот уйи» фойдаланишга топширилди. Бу ҳақда «Дарё» мухбири Азизбек Абдувалиев хабар бермоқда.
Мазкур бино 1979 йилда қурилган ва шундан бери таъмирланмаган эди. Жорий йил бошида бу ердаги ҳолатни кўздан кечирган вилоят ҳокими Шавкат Абдураззақов «Матбуот уйи»ни замонавий кўринишга келтириш ва журналистлар учун қулай шароитлар яратиш бўйича кўрсатмалар берди.
Шундан сўнг бу ерда таъмирлаш ишлари бошлаб юборилди. Бунинг учун 2,6 миллиард сўм маблағ сарфланди. Иситиш тизими тубдан янгиланди, замонавий мебель ва компьютер жиҳозлари ўрнатилди.
«Бундан ўттиз йил аввал ‘Юзсиз‘ фильми шу ерда суратга олинган экан. Ўшандан бери бинода деярли ҳеч нарса ўзгармаганди. Энди бу бинони замонавий медиамарказ кўринишига келтиришимиз, бу ерда турли тадбирлар, жумладан, матбуот анжумани ва брифинглар ўтказиш учун барча шароитларни яратиб беришимиз зарур», — деди вилоят ҳокими Шавкат Абдураззақов.
Маълумот учун, Намангандаги «Матбуот уйи»да вилоят ҳокимлигини «Наманган ҳақиқати» ва «Наманганская правда» газеталари, тармоқ нашрлари, Ўзбекистон журналистлар уюшмасининг вилоят бўлими жойлашган.
Мавзуга доир:
Изоҳ (0)