Namanganda Yangi yil arafasida 400 dan ortiq ehtiyojmand oila vakillariga bayram sovg‘alari topshirildi. Bu haqda “Daryo” muxbiri Azizbek Abduvaliyev xabar bermoqda.
Viloyat hokimi Shavkat Abdurazzoqov taklifi bilan bunday oilalar ro‘yxati mahalliy jurnalist va blogerlar tomonidan shakllantirildi.
“Xalq orasida ko‘p yurasiz, ularning dard va tashvishini bizdan ham yaxshi bilasiz. Qahramonlaringiz orasida kamtar-kamsuqum, sharoiti og‘ir bo‘lsa ham qaysidir idoraga borishga istihola qiladiganlar bo‘lishi mumkin. Shuning uchun sizlarning taklifingiz asosida bayram oldidan sovg‘a oladiganlar ro‘yxatini tuzaylik”, — deya fikr bildirgandi viloyat hokimi.
Namangan shahridagi “Barkamol avlod” majmuasida o‘tkazilgan tadbirda viloyat hokimi va sektor rahbarlari ishtirok etdi.
Ular ehtiyojmand oilalar vakillariga 18 turdagi oziq-ovqat mahsulotlari, yangi yil sovg‘alari va issiq kiyimlar taqdim etdi. Shundan so‘ng bolalar uchun bayram dasturi namoyish etildi.
Izoh (0)