Ўзбекистонда декабрь ойида об-ҳаво шароити туфайли самолётлар 58 марта бошқа аэропортларга мажбурий равишда йўналтирилди. Бу ҳақда Uzbekistan Airways матбуот котиби Камола Икромова маълум қилди.
Статистик маълумотларга кўра, авиакомпания жадвал асосида 2290 та авиақатновни амалга оширган. Шулардан 925 таси кечиктирилган ҳолда бажарилган. 26 декабрь ҳолатига кўра эса жадвал асосида 1957 та авиақатнов амалга оширилган. Шулардан умумий ҳисобда 1136 таси кечиктирилган ҳолда парвоз қилган.
Декабрь ойидан бошлаб Ўзбекистон ҳудуди бўйлаб совуқ ҳаво циклони кузатилиб келинмоқда. Шу муносабат билан Тошкент ва вилоятларда жойлашган аэропорт ҳудудларида туман, учиш ва қўниш йўлагининг музлаши, самолётлар қор билан қопланиши ҳамда учувчилар учун учиш-қўниш йўлагини кўриш даражасининг пасайиши кузатилмоқда.
Декабрь ойида ноқулай об-ҳаво шароити туфайли ҳаво кемалари 58 марта бошқа аэропортларга мажбурий равишда йўналтирилган. Жумладан, Навоийга 13 марта, Наманганга 8 марта, Бухорога 3 марта, Самарқандга 14 марта, Тошкентга 10 марта, Фарғонага 7 марта.
Изоҳ (0)