Тошкент халқаро аэропортида 16 декабрь куни икки қизни Туркияга фоҳишаликка юбораётган ушланди. Бу ҳақда Андижон вилояти Ички ишлар бошқармаси ахборот хизмати хабар берди.
Қайд этилишича, ўтказилган тезкор тадбир давомида Шаҳрихон туманида яшовчи аёл Х.Г Андижон туманида яшовчи Э.Н ва Андижон шаҳрида истиқомат қилувчи М.М.ларни Туркия давлатига фоҳишалик билан шуғулланиш учун юборишни режа қилган.
Бунинг эвазига Туркияда яшовчи «Ойгул» исмли танишидан 700 доллар олишга келишиб, келишилган 700 доллар ҳисобидан 150 долларни олиб, Э.Н ва М.М.ни Тошкент халқаро аэропорти орқали Туркия давлатига жўнатиб юбораётган вақтида тадбир иштирокчилари томонидан қўлга олинди.
Мазкур ҳолат юзасидан Андижон вилояти Ички ишлар бошқармаси ҳузуридаги Тергов бошқармаси томонидан Жиноят Кодексининг 135-моддаси (Одам савдоси) 2-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)