Россия президенти Владимир Путин рус армиясининг Украинадаги қатор ҳарбий муваффақиятсизлиги учун жавобгарликдан ўзини соқит қилишга уринмоқда. Бу ҳақда Британия Мудофаа вазирлигининг ҳарбий разведка хизмати ҳисоботида маълум қилинди.
Вазирлик бунга Украинага бостириб киришда масъул бўлган бирлашган штабнинг яқинда ўтказилган йиғилишини мисол қилиб келтирмоқда. Хусусан, Путин Россия олий ҳарбий раҳбарияти, жумладан, мудофаа вазири Сергей Шойгу ва Россиянинг Украинадаги қўшма кучлари гуруҳи қўмондони Сергей Суровикин билан учрашган.
Учрашувда Кремль раҳбари кейинги жанговар ҳаракатлар стратегиясига ўзгартириш киритишни таклиф қилган. Британия разведкачиларининг фикрича, бу Путинни Россия Қуролли кучларининг Украинадаги қатор ҳарбий муваффақиятсизликлари учун жавобгарликдан соқит қилишга қаратилган.
«Бу учрашувда Путин Украинадаги урушни ўтказишда жамоавий масъулиятни намойиш қилмоқчи. Россия президенти ҳарбий муваффақиятсизлик, юқори ўлим даражаси ва аҳолининг сафарбарликдан норозилиги ортиб бораётгани учун жавобгарликдан ўзини озод қилмоқчи. Путин жтимоий тармоқларда Бош штаб бошлиғи Валерий Герасимов истеъфога чиқиши ҳақидаги миш-мишларга барҳам беришни ҳам мақсад қилган», дейилади разведка ходимлари ҳисоботида.
Эслатиб ўтамиз, 19 декабрь куни Россия президенти Владимир Путин Беларусга амалий ташриф билан келган ва Александр Лукашенко билан учрашув ўтказган. Музокара мавзуси мамлакатлар ўртасидаги ҳарбий алоқаларни мустаҳкамлаш бўлган.
ISW (Урушни тадқиқ қилиш институти) фикрича, Путин Лукашенкога уни Украинага қарши урушда қатнашишга кўндиришга ҳаракат қилган.
Мавзуга доир:
Изоҳ (0)