Украина президенти Владимир Зеленский 20 декабрь куни Донбассдаги фронт чизиғида жойлашган Бахмут шаҳрига келди. Бу ҳақда Meduza хабар берди.
Зеленскийнинг фронтга сафари ҳақида биринчи бўлиб FreeDom канали мухбирлари хабар берди. Кейин бу маълумотни президент вакили ҳам тасдиқлади. Хусусан, Украина президенти спикери Никифоров Владимир Зеленскийнинг Бахмутга ташрифини ҳақида гапирди:
«Президент олдинги чизиқни бориб кўрди, ҳарбийларни нишон ва қимматбаҳо совғалар билан тақдирлади. Президент Бахмутни ҳозир тарк этган», — деди Никифоров журналистларга.
Зеленский 6 декабрь куни Донецк вилоятининг Словянск шаҳрига ташриф буюрганди. У Украина Қуролли кучлари сафига жалб қилинган барча шахсларнинг профессионаллигини айтиб, давлатни ҳимоя қилгани учун уларга миннатдорлик билдирганди.
«Бутун дунё сизнинг кучингизни, маҳоратингизни, меъёрларингизни — Украина стандартларини кўриб турибди. Сиздаги қаҳрамонлик учун ота-онангиздан, рафиқангиз ва болаларингиздан миннатдорман. Бутун Украина сизга ишонади ва ёрдам беради», — деган эди Зеленский.
Бахмут шаҳри (2016 йилгача — Артемўвск) Донбассдаги муҳим транспорт маркази, Украинанинг мустаҳкамланган ҳудуди бўлиб хизмат қилади. У Краматорск, Славянск, Северск ва Торецкгача бўлган йўлларни қамраб олади. Май ойининг иккинчи ярмидан бошлаб рус қўшинлари шаҳарга кучли ракета ҳужумларини амалга оширмоқда. 5 июль куни рус қўшинлари Лисичанскни эгаллаб олди ва августда улар Бахмутнинг чекка ҳудудларига етиб келди. Ёз охиридан бери руслар, асосан, «Вагнер» хусусий ҳарбий компанияси кучлари, бир неча километр олдинга силжишга муваффақ бўлди.
Бир неча ойдирки, шаҳар чеккасида шиддатли жанглар давом этмоқда. Шу билан бирга, бу даврда сув, иссиқлик, электр таъминоти йўқ бўлган Бахмутда тинч аҳоли ҳаёт кечирмоқда. Шаҳар ҳали ҳам Украина ҳарбийлари томонидан ҳимояланган.Мавзуга доир:
- Россия ҳарбийлари тактикани ўзгартирди: Бахмут йўналишидаги вазият ҳақида маълумот берилди
- Россия ҳарбийлари Бахмутда Северодонецк ва Лисичанскдаги хатоларини такрорламоқда — ISW
- Россия олдинга силжишга уринмоқда, Украина қўшинларида йўқотиш катта. NYT Бахмут яқинидаги шиддатли жанглар ҳақида мақола эълон қилди
Изоҳ (0)