Telegram мессенжери асосчиси ва эгаси Павел Дуров, Forbes талқинига кўра, Бирлашган Араб Амирликлари (БАА)даги энг бой одам деб топилди. Унинг жорий бойлиги 15,1 миллиард долларга баҳоланмоқда. Миллиардерларнинг умумий рўйхатида эса Дуров 123-ўринни эгаллади.
Ўтган йили тадбиркорнинг давлати 17 миллиарддан зиёд эди. 2020 йилда у 2,4 миллиард, 2019 йилда — 2,7 миллиард, 2018 йилда эса 1,7 миллиард долларга тенг бўлганди.
Павел Дуровда тўртта давлат — Россия, Сент-Киц ва Невис давлати, Франция ва БАА фуқаролиги бор. У 2022 йилдагина БАА фуқаролигини қўлга киритди. 2017 йилдан бошлаб бизнесмен Дубайда яшайди. 2021 йил февралида Павел Дуров Дубай валиаҳд шаҳзодаси шайх Ҳамдан бин Муҳаммад бин Рашид ал-Мактум билан учрашганди.
2021 йил баҳорида Дуров биринчи марта Россиянинг Forbes нашри версиясига кўра россиялик миллиардерлар ўнлигига кирганди. У рейтингда тўққизинчи ўринни эгаллаган.
Мавзуга доир:
- Россиялик энг бой одамлар рейтинги эълон қилинди
- Франция ҳукуматининг маълумотлар базасида Павел Дуров мамлакат фуқаролигини олгани тўғрисида қайд пайдо бўлди
- Forbes Telegram асосчиси Павел Дуровнинг фарзандларини илк бор энг бой меросхўрлар рейтингига киритди
- Павел Дуров БААнинг энг бой одами деб тан олинди
Изоҳ (0)