Telegram messenjeri asoschisi va egasi Pavel Durov, Forbes talqiniga ko‘ra, Birlashgan Arab Amirliklari (BAA)dagi eng boy odam deb topildi. Uning joriy boyligi 15,1 milliard dollarga baholanmoqda. Milliarderlarning umumiy ro‘yxatida esa Durov 123-o‘rinni egalladi.
O‘tgan yili tadbirkorning davlati 17 milliarddan ziyod edi. 2020-yilda u 2,4 milliard, 2019-yilda — 2,7 milliard, 2018-yilda esa 1,7 milliard dollarga teng bo‘lgandi.
Pavel Durovda to‘rtta davlat — Rossiya, Sent-Kits va Nevis davlati, Fransiya va BAA fuqaroligi bor. U 2022-yildagina BAA fuqaroligini qo‘lga kiritdi. 2017-yildan boshlab biznesmen Dubayda yashaydi. 2021-yil fevralida Pavel Durov Dubay valiahd shahzodasi shayx Hamdan bin Muhammad bin Rashid al-Maktum bilan uchrashgandi.
2021-yil bahorida Durov birinchi marta Rossiyaning Forbes nashri versiyasiga ko‘ra rossiyalik milliarderlar o‘nligiga kirgandi. U reytingda to‘qqizinchi o‘rinni egallagan. Mavzuga doir:- Rossiyalik eng boy odamlar reytingi e’lon qilindi
- Fransiya hukumatining ma’lumotlar bazasida Pavel Durov mamlakat fuqaroligini olgani to‘g‘risida qayd paydo bo‘ldi
- Forbes Telegram asoschisi Pavel Durovning farzandlarini ilk bor eng boy merosxo‘rlar reytingiga kiritdi
- Pavel Durov BAAning eng boy odami deb tan olindi
