Украина Мудофаа вазирлиги Разведка бош бошқармаси вакили генерал Вадим Скибицкий The New York Times’га маълум қилишича, Украина ҳарбийлари октябрда Россия қўшинлари томонидан берилган зарбалардан кейин Х-55 қанотли ракетаси бўлакларини топган, у 1970 йилларда ядровий жанговар каллакларни ташиш учун ишлаб чиқилган.
Скибицкий даъво қилишича, ракетага фойдали юк ортилмаганини бекитиш учун жанговар каллак олиб ташланиб, балласт қўшилган. Буни Пентагон ва Буюк Британия ҳарбий разведкаси ҳам тасдиқлаган.
Разведка бош бошқармаси ушбу ракета Украина қурол заводида ясалганини аниқлаган. Скибицкийнинг сўзларига кўра, Россия бу ракеталарни катта эҳтимол билан 1990 йилларда Украинадан Ядро қуроли тарқатмаслик ҳақидаги шартномага қўшилиши муносабати билан Хавфсизлик кафолатлари тўғрисидаги Будапешт меморандумини имзолаганидан кейин олган. Ушбу ҳужжатда Украина ҳудудида бўлган ва ядро қуроли ташишга қодир ракеталар йўқ қилиниши ёки Россияга берилиши кераклиги кўзда тутилганди.
The New York Times ёзишича, ноябрда Украина ҳарбийлари яна иккита Х-55 ракеталари бўлакларини топган, уларда ҳам жанговар каллаклар олиб ташланган бўлиб, катта эҳтимол билан, Россия уларни ҳам Украинадан олган.
Изоҳ (0)