Бугун,

  • USD 11095.31
  • RUB 173.84
  • EUR 10772.44

Пиширилган сабзавотлар жуда фойдали — улар витамин ва бошқа фойдали моддаларни ўзида сақлаб қолади. Катошкани печда пишириш кўп вақт талаб этмайди, унинг ёқимли иси иштаҳани очади ва мазаси эса оғизда қолади. Wday нашри печда пишириладиган картошканинг 5 хил рецепти билан бўлишди.

Фото: Wday

Фото: Wday

Қобиғи қизариб пишириладиган картошка

Ушбу таомни турли рецептлар бўйича пишириш мумкин. Картошкадан кундалик ёки байрамона дастурхон учун таом тайёрлаш мумкин, алоҳида таом ёки гарнир сифатида истеъмол қилинади.

Фото: Wday

Фото: Wday

Керакли маҳсулотлар:

  • тозаланган картошка;
  • зираворлар;
  • туз;
  • зира;
  • ўсимлик ёғи.
Хом картошка 1 сантиметр қалинликда кесиб олинади. Ундан ортиқча намликни олиб ташлаш учун қоғоз салфетка билан қуритилади. Бир идиш ичига озгина ўсимлик ёғ қуйилади, сўнгра тўғралган картошка солинади. Табга кўра, туз, зира ва бошқа зираворлар қўшилиб, барчаси яхшилаб аралаштирилади.

Ёғланган ёки пергамент билан қопланган лист устига бир қатламда картошкалар солинади. 100-180 ҳароратда 10 дақиқа давомида печда пиширилади. Картошка қобиғи олтин жигарранг бўлиши учун пишириш жараёни охирида печнинг ҳароратини оширилади.

Пишлоқ қўшиб пишириладиган картошка

Фото: Pinterest

Фото: Pinterest

Керакли маҳсулотлар:

  • картошка — 1 килограмм;
  • саримсоқ — 5 бўлак;
  • сметана  — 100 грамм;
  • гауда пишлоғи — 100 грамм ;
  • мускат ёнғоғи, туз, мурч, кўкатлар.
Картошка қайнатиб олингач, пўчоғидан тозаланади. Пишириш варағига аввал майдаланган саримсоқ солинади. Устидан тўғралган картошка ва туз, зиравор ҳамда мускат ёнғоғи сепилади. Сметана қирғичдан ўтказилган пишлоқ билан аралаштирилиб, картошканинг устига бир хилда қуйилади. Печда тахминан 100 даража ҳароратда қизаргунча пиширилади. Тайёр бўлгач устига кўкатлар сепилади.

Фольга ичида пиширилган картошка

Фото: Pinterest

Фото: Pinterest

Керакли маҳсулотлар:

  • картошка — 8-10 дона;
  • пиёз — 1 дона;
  • сметана — 100 грамм;
  • саримсоқ — 3 бўлак;
  • укроп.
Картошка яхшилаб ювиб ташланади, ҳар бирини фольга билан ўраб, печда пиширилади. Тайёр бўлган картошкалар фольга ичида кесилади. Кейин санчқи ёрдамида ичида пюре ҳосил қилинади. Тўғралган саримсоқ сметана билан аралаштирилади. Пиёз майда тўғралиб, ўсимлик ёғига қовурилади. Фольга бироз очилиб, ҳар бир картошканинг ўрта қисмига озгина қовурилган пиёз солинади, сўнгра сметана соуси қуйилади. Устидан майда тўғралган укроп сепилади.

Оддий пишириладиган картошка

Фото: Pinterest

Фото: Pinterest

Керакли маҳсулотлар:

  • картошка — 10 дона;
  • ўсимлик ёғи — 1 ош қошиқ;
  • туз, саримсоқ, қуритилган кўкатлар.
Тозаланган картошкалр совуқ сувли идишга солинади. Бироз вақт ўтгач, картошка узунлиги бўйича 4 қисмга бўлинг. Уларни пакет ичига солиб, ичига ўсимлик ёғи қуйилади, қуритилган кўкат ва туз қўшилади. Таъбга кўра, майдаланган саримсоқ қўшиш ҳам мумкин. Барча маҳсулотлар яхши аралашиши учун пакет қаттиқ силкитилади. Пишириш варағи фольга билан ёпилади ва устига картошка бўлаклари қўйилади. Буларнинг барчасини 100-110 даражада печда пиширилади.

Парҳезбоп картошка рецепти

Фото: Pinterest

Фото: Pinterest

Печда пишириладиган парҳезбоп картошка рецепти ҳеч қандай қўшимчаларни талаб қилмайди. Пиширилган картошка ошқозон-ичак тракти касалликлари даврида ёки оддийгина вазн йўқотиш учун фойдали бўлган парҳез таом ҳисобланади.

Картошка тозаланиб, қуруқ пишириш варағига қўйилади ва уни 220 даражага қадар қиздирилган печнинг пастки қисмида тахминан бир соат давомида пиширилади. Тайёр бўлган картошкани зайтун мойи, туз ва кўкатлар билан истеъмол қилиш мумкин.

Ёқимли иштаҳа!

Изоҳ
Асосий янгиликлар
Маҳаллий
АОКА “Human.uz” журналистлари билан боғлиқ ҳолат юзасидан муносабат билдирди 
Маҳаллий
Ўзбекистонда чиқинди газидан электр ишлаб чиқариш йўлга қўйилади 
Дунё
Путин йўқотишларга қарамай, баҳорда Украинага қарши янги ҳужумни режалаштирмоқда — Bloomberg