Бир зумда тайёр бўладиган олмали пирог рецепти

Тўсатдан уйга меҳмонлар ташрифи ёки баъзида ширинлик истеъмол қилиш истаги пайдо бўлганида бир зумда тайёр бўладиган пирог рецепти айни муддао. Elle нашри бўлишган олмали пирог рецепти учун ярим соат кифоя, қолаверса, уни тайёрлаш осон, мазаси эса барчага манзур келади.

Керакли маҳсулотлар:

• олма — 800 грамм;
• ун — 400 грамм;
• қаймоқ — 400 грамм;
• шакар — 150 грамм;
• ваниль — 1 дона;
• қабартма — 1 дона;
• тухум — 5 дона;
• бодом — 60 грамм;

• шакар — 100 грамм;
• сариёғ — 100 грамм;
• ваниль сути — 4 ош қошиқ;
• шакар упаси.

1. Олма яхшилаб ювилади, сўнгра ўртасидан бўлиниб, ингичка ярми ҳалқа шаклида тўғралади.
2. Ваниль ва оддий шакар аралаштирилади, қаймоқ қўшиб, яхшилаб кўпиртирилади.
3. Оз-оздан тухум қўшилади.
4. Сўнгра ун ва қабартма қўшилади ва хамир бўлгунча аралаштирилади.
5. Ваниль сути, шакар ва сариёғ бироз қайнатиб олинади, бодом билан аралаштирилади.
6. Хамир олдиндан ёғ суртилган қолипга қуйилади ва устидан тўғралган олма териб чиқилади.
7. Пирог 200 даража қиздирилган печда 15 дақиқа давомида пиширилади. Сўнгра пирог юзасига тайёрланган глазур қуйилиб, яна 15 дақиқага печга қўйилади.
8. Пишганидан сўнг устига шакар упаси сепилади.