Ижтимоий тармоқларда Тошкент вилоятининг Паркент туманида улкан цистернадан сув оқиб чиқаётгани акс этган видеолавҳа тарқалди. Фавқулодда вазиятлар вазирлиги ҳолатга муносабат билдирди.
Тармоқда тарқалган хабарда Паркент тумани ФВБ 1750 тонналик сув резервуарида ёриқлар ва яроқсиз жойлари аниқланмади деб «аҳолини сув билан таъминлашга ишлатиш мумкин» деб ёзиб кетгани айтилган.
Қайд этилишича, вазият ўрганилганда резервуар тумандаги «Авиасозлар» боғдорчилик, узумчилик ширкатига тегишли экани аниқланган. Ўрганиш давомида мутасаддилар иштирокида ҳудуддаги кичик сиғимли резервуар аҳоли ичимлик суви учун тўлдирилмасдан фойдаланилаётгани, сиғимда ҳеч қандай ёриқлар мавжуд эмаслиги маълум бўлган.
Ҳолат бўйича жорий йилнинг 14 сентябрь куни ширкат раҳбари, ишчилари ҳамда ҳудуд профилактика инспектори иштирокида далолатнома тузилган.
«Тарқалган хабарда эълон қилинган видео 2021 йил 7 март куни санасига тегишли бўлиб, бу вақтда сиғим қайта таъмирдан чиқарилган. Шу муносабат билан сиғим текшириб кўриш мақсадида мутасаддилардан иборат комиссия аъзолари иштирокида 5 дақиқага тоширилган ва ёриқлар йўқлиги маълум бўлган», — дейилади хабарда.
Изоҳ (0)