Parkentda yirik sisternadan suv oqib chiqayotgani haqidagi xabarga munosabat bildirildi
Ijtimoiy tarmoqlarda Toshkent viloyatining Parkent tumanida ulkan sisternadan suv oqib chiqayotgani aks etgan videolavha tarqaldi. Favqulodda vaziyatlar vazirligi holatga munosabat bildirdi.
Tarmoqda tarqalgan xabarda Parkent tumani FVB 1750 tonnalik suv rezervuarida yoriqlar va yaroqsiz joylari aniqlanmadi deb “aholini suv bilan ta’minlashga ishlatish mumkin” deb yozib ketgani aytilgan.
Qayd etilishicha, vaziyat o‘rganilganda rezervuar tumandagi “Aviasozlar” bog‘dorchilik, uzumchilik shirkatiga tegishli ekani aniqlangan. O‘rganish davomida mutasaddilar ishtirokida hududdagi kichik sig‘imli rezervuar aholi ichimlik suvi uchun to‘ldirilmasdan foydalanilayotgani, sig‘imda hech qanday yoriqlar mavjud emasligi ma’lum bo‘lgan.
Holat bo‘yicha joriy yilning 14-sentabr kuni shirkat rahbari, ishchilari hamda hudud profilaktika inspektori ishtirokida dalolatnoma tuzilgan.
“Tarqalgan xabarda e’lon qilingan video 2021-yil 7-mart kuni sanasiga tegishli bo‘lib, bu vaqtda sig‘im qayta ta’mirdan chiqarilgan. Shu munosabat bilan sig‘im tekshirib ko‘rish maqsadida mutasaddilardan iborat komissiya a’zolari ishtirokida 5 daqiqaga toshirilgan va yoriqlar yo‘qligi ma’lum bo‘lgan”, — deyiladi xabarda.
