2022 йилнинг январь—июль ойларида Ўзбекистон хорижий давлатлардан қиймати 1,8 млн долларга тенг бўлган 257,2 тонна қаҳва маҳсулотларини импорт қилган. Бу ҳақда Давлат статистика қўмитаси хабар бермоқда.
Қаҳва маҳсулотлари импорти 2021 йилнинг мос даври билан солиштирилганда 61 тоннага ошган ва 800 минг доллар кўпроқ харажат қилинган.
Ўзбекистон энг кўп Италиядан қаҳва сотиб оляпти — етти ойда 63,6 тонна. Иккинчи ўринни Бразилия (45 тонна) эгаллаган бўлса, Россия (31,8 тонна) учинчи бўлди.
2021 йилнинг мос даврида Россия Ўзбекистонга қаҳва етказиб беришда биринчи ўринни эгаллаган эди — 57,4 тонна. Вьетнам билан эса кўрсаткич деярли ўзгармади — 22,4 тонна.
Аввалроқ Бразилия Ўзбекистонга озиқ-овқат етказиб берувчи асосий давлатлардан бирига айлангани ҳақида хабар берилганди.
Изоҳ (0)