АҚШ Давлат департаменти матбуот котиби Нед Прайс россиялик Даря Дугинанинг ўлими юзасидан фикр билдирар экан, АҚШ тинч аҳолининг ўлдирилишини қоралайди, деб таъкидлади.
Унинг сўзларига кўра, АҚШ расмийлари Дугинанинг ҳаётига суиқасд ҳақида айтилган маълумотларга бошқа бирор қўшимча қўша олмайди.
Украина унга қилинган ҳужумга алоқадорлигини рад этмоқда. Биз ҳар қандай жойда — Киевда, Бучада, Харьковда, Краматорскда, Мариупол ва Москвада ҳам тинч аҳолининг ўлдирилишини қатъий қоралаймиз», — деди Прайс.У Россия тергов олиб боришига ва «муайян хулосалар чиқаришига» ишонч билдирди.
Бирлашган Миллатлар Ташкилоти ҳам Москвани «Даря Дугинанинг ўлими ортидаги барча фактларни аниқлаш учун» тергов ўтказишга чақирди, деб ёзмоқда «ТАСС» ташкилот бош котибининг расмий вакили Стефан Дюжаррикга таяниб.
Украина президенти Владимир Зеленский 22 августдаги кечки нутқида Дугинанинг ўлдирилиши ва Москванинг Украина махсус хизматлари бунга алоқадорлиги ҳақидаги баёнотларига изоҳ бермаган.
Эслатиб ўтамиз, файласуф ва сиёсатшунос Александр Дугиннинг қизи, 29 ёшли Даря Дугина 20 август куни кечқурун Подмоскведа автомобили портлаши оқибатида ҳалок бўлди.
Россия Федерал хавфсизлик хизмати Дугинанинг ўлдирилишини Украина махсус хизматлари уюштирганини, ижрочи эса Украина фуқароси Наталя Вовк эканлигини даъво қилди. Киев қотилликка алоқадорлигини рад этмоқда.
Изоҳ (0)