«Бизнинг мақсадимиз Украинадаги инқирозни ҳал қилиш учун энг яқин вақтда Путин ва Зеленскийнинг учрашувини ташкиллаштиришдан иборат», — деди Туркия президенти Ражаб Тоййиб Эрдўғон халққа қилган мурожаатида.
Август бошида Эрдўғон ва Путин Сочида музокаралар ўтказган эди. CNN Turk маълумотларига кўра, ушбу учрашув давомида Россия президенти Зеленский билан музокаралар эҳтимоли борлигига «ишора қилган».
18 август куни Львовда Украина ва Туркия президентлари ҳамда БМТ бош котиби иштирокида уч томонлама саммит бўлиб ўтди. Унинг якунида Зеленский агар Россия қўшинлари Украинани тарк этсагина РФ билан музокаралар амалга ошиши мумкинлигини таъкидлади. Ўз навбатида Эрдўғон уч томонлама учрашув натижаларини Путин билан муҳокама қилишини билдирди.
Изоҳ (0)