Германия канцлери Олаф Шольц ва иқтисодиёт вазири Роберт Хабек Канаданинг Монреаль шаҳрига уч кунлик ташриф билан келди. Учрашувда Канада ҳукумати билан водород энергетикаси соҳасида ҳамкорлик тўғрисидаги битимни имзолаш, суюлтирилган газ (LNG) етказиб бериш ва бошқа энергия ресурслари масалаларини муҳокама қилиш режалаштирилган. Бу ҳақда «Коммерсантъ» нашри хабар бермоқда.
Шольц Германиянинг Канада билан энергетика соҳасидаги ҳамкорлигини мустаҳкамлашдан манфаатдорлигини, Россиянинг энергия экспортчиси сифатида «эътиборни қозона олмаслиги» билан изоҳлади.
Таъкидлаш керакки, Канада Россия каби табиий ресурсларга бой, ягона фарқи шундаки, у ишончли демократик давлатдир. Биз бу муносабатларни янада чуқурлаштириш ҳамда энергия ва иқлимни муҳофаза қилиш соҳасида ҳамкорлик қилишни истаймиз», — дейди канцлер.Канада Германия ва Россиядан географик узоқлигига қарамай, июнь ойида Шимолий Америка давлати Россия ва Германия ўртасидаги энергия баҳсида томонлардан бирига айланди.
Ёз бошида «Газпром» Ғарб санкциялари туфайли Канададаги таъмирдан турбиналаридан бирини қайтаришнинг иложи йўқлигини баҳона қилиб, «Шимолий оқим» қувури орқали газ ўтказишни қисқартирган эди. Германияда энергия таъминотининг қисқариши Россиянинг сиёсий босими сифатида баҳоланди.
Изоҳ (0)