AQSH Davlat departamenti matbuot kotibi Ned Prays rossiyalik Darya Duginaning o‘limi yuzasidan fikr bildirar ekan, AQSH tinch aholining o‘ldirilishini qoralaydi, deb ta’kidladi.
Uning so‘zlariga ko‘ra, AQSH rasmiylari Duginaning hayotiga suiqasd haqida aytilgan ma’lumotlarga boshqa biror qo‘shimcha qo‘sha olmaydi.
Ukraina unga qilingan hujumga aloqadorligini rad etmoqda. Biz har qanday joyda — Kiyevda, Buchada, Xarkovda, Kramatorskda, Mariupol va Moskvada ham tinch aholining o‘ldirilishini qat’iy qoralaymiz”, — dedi Prays.U Rossiya tergov olib borishiga va “muayyan xulosalar chiqarishiga” ishonch bildirdi.
Birlashgan Millatlar Tashkiloti ham Moskvani “Darya Duginaning o‘limi ortidagi barcha faktlarni aniqlash uchun” tergov o‘tkazishga chaqirdi, deb yozmoqda “TASS” tashkilot bosh kotibining rasmiy vakili Stefan Dyujarrikga tayanib.
Ukraina prezidenti Vladimir Zelenskiy 22-avgustdagi kechki nutqida Duginaning o‘ldirilishi va Moskvaning Ukraina maxsus xizmatlari bunga aloqadorligi haqidagi bayonotlariga izoh bermagan.
Eslatib o‘tamiz, faylasuf va siyosatshunos Aleksandr Duginning qizi, 29 yoshli Darya Dugina 20-avgust kuni kechqurun Podmoskvyeda avtomobili portlashi oqibatida halok bo‘ldi.
Rossiya Federal xavfsizlik xizmati Duginaning o‘ldirilishini Ukraina maxsus xizmatlari uyushtirganini, ijrochi esa Ukraina fuqarosi Natalya Vovk ekanligini da’vo qildi. Kiyev qotillikka aloqadorligini rad etmoqda.
Izoh (0)