4 июль куни Қозоғистон президенти Қосим-Жўмарт Тўқаев ва Европа кенгаши раҳбари Шарл Мишел ўртасида телефон мулоқоти бўлиб ўтди.
Тўқаев Қозоғистон Марказий Осиёда биринчи бўлиб Европа Иттифоқи билан Кенгайтирилган шериклик ва ҳамкорлик тўғрисидаги битимни имзолагани муносабатларни янги босқичга олиб чиққани, Қозоғистон энг йирик савдо шериги бўлган Европа Иттифоқи билан барқарор алоқаларни ривожлантириш тарафдори эканини таъкидлади.
Президент, шунингдек, Европа Иттифоқини муқобил трансконтинентал йўлакларни, жумладан, Транскаспий халқаро транспорт йўналишини ривожлантиришда ҳамкорлик қилишга чақирган.
Тўқаев, шунингдек, дунёдаги энергия хавфсизлигига таҳдидлардан ўз хавотирини билдирган. У Қозоғистон жаҳон ва Европа бозорларидаги вазиятни барқарорлаштириш учун ўзининг углеводород салоҳиятидан фойдаланишга тайёрлигини маълум қилган.
Суҳбат якунида Президент Қосим-Жўмарт Тўқаев Шарл Мишелни Қозоғистонга таклиф қилган.
Изоҳ (0)