4 июль куни Владимир Путин россиялик генерал Александр Лапинга Луганск вилояти эгаллангани муносабати билан Россия Қаҳрамони унвонини берди. Аввалроқ Лапин ўғлини Чернигов вилоятини «озод қилгани» учун мукофотлаган эди: кўп ўтмай рус қўшинлари вилоятни тарк этган. Британия ҳарбий разведкасининг хабар беришича, Россия камида иккита қўшин гуруҳи ўртасида самарали мувофиқлаштиришга эришган (улардан бирига генерал Лапин қўмондонлик қилади), Лисичанскнинг қўлга олиниши эса Россия қўшинларининг назоратини Луганск вилоятининг деярли бутун ҳудудига кенгайтиради. Meduza урушнинг 131-кунидан асосий фотосуратларни тақдим этди.
Днепр вилояти
Днепр вилоятида ҳосил йиғиш жараёни: ракета ҳужумидан кейин далада ўра қолган. Майдон фронт чизиғидан 10 километр узоқликда жойлашган бўлиб, фронтда шиддатли жанглар кетмоқда. Июнь ойининг охирида Россия Мудофаа вазирлиги Украинанинг «Днепр вилоятидаги тезкор-стратегик гуруҳлардан бирининг назорат пункти» йўқ қилингани ҳақида хабар берди. Июль ойининг биринчи кунларида ҳудуд ўққа тутилди.Фото: AP Photo
Днепр вилоятида яшовчи фермер фронт чизиғидан 10 километр узоқликда жойлашган даладан топиб олган рус ракетаси бўлакларини йиғмоқда.Фото: AP Photo
Донбасс шимоли
Краматорск аҳолиси гуманитар ёрдамни кутмоқда. Украина Қуролли кучлари Бош штаби охирги кунларда Краматорск йўналишидаги рус қўшинлари Шимолий Донец дарёсини куч билан босиб, Лисичанскда мустаҳкам ўрнашиб олишга муваффақ бўлганини маълум қилди. Украина Қуролли кучлари бўлинмалари уларни Белогоровкадан чекинишга мажбур қилган.Фото: AP Photo
Краматорскда гуманитар ёрдам учун навбат.Фото: Reuters
Славянсклик аёл қўшниларининг уйи ўққа тутилгач, ўз уйини тарк этишга қарор қилди. Унинг ўғли бир ой олдин кетган. 4 июль куни кечқурун Украина Қуролли кучлари Бош штаби Славянск йўналишидаги Россия қўшинлари Мазановка аҳоли пункти йўналишида «қисман муваффақият билан» олға бораётгани ҳақида хабар берди. Урушни ўрганиш бўйича Америка институти маълумотларига кўра, ўша куни рус армияси Славянскдан шимолга юришга уринган, аммо улар муваффақиятсизликка учраган.Фото: Scanpix
Донецк осмонидаги тутун. Маҳаллий Telegram-каналлар 4 июль куни тушдан кейин шаҳар ўққа тутилгани ҳақида хабар берди: темир йўл вокзали яқинидаги бозор шу сабабли ёниб кетгани, бир киши ҳалок бўлгани айтилди. Россия давлат оммавий ахборот воситалари эса шу пайтда «Украина Қуролли Кучлари юзта снаряд ташлагани» уларнинг нишони «тўртта болалар боғчаси, мактаб, саноат объектлари, темир йўл станцияси» бўлгани ҳақида ёзди. Давлат матбуотига кўра, отишмада 17 киши жароҳатланган, икки киши ҳалок бўлган.Фото: Reuters
Северодонецкни Лисичанск билан боғлайдиган кўприк вайрон қилинган. Украина ОАВлари рус қўшинлари июнь ойи ўрталарида учта кўприкнинг охиргисини ҳам портлатганини хабар қилди.Фото: Reuters
Россия кучлари ходимлари жанговар муҳандислик машинасида Лисичанск бўйлаб ҳаракатланмоқда. 3 июль куни Россия Мудофаа вазирлиги шаҳар қуршовга олингани ҳақида хабар берди. Эртаси куни Луганск маъмурияти раҳбари Украина қўшинлари Лисичанскни йўқотишларсиз тарк этганини маълум қилди.Фото: Reuters
Украина ҳарбийлари Донецк вилоятининг Северск шаҳридаги жанг майдонига кетмоқда.Фото: Anadolu
Харьков вилояти
Украина Қуролли кучлари кўнгиллилари ва ходимлари бир неча ой олдин Харьковда дафн этилган россиялик аскарнинг жасадини эксгумация қилмоқда.Фото: Reuters
Шаҳарга кираверишдаги «Харьков» ёзувининг жанглардан кейинги кўриниши. Украина Қуролли кучлари Бош штаби маълумотларига кўра, Россия армиясининг Харьков йўналишидаги асосий кучлари ўз позицияларини сақлашга жамланган, шу билан бирга россияликлар минтақадаги бир қанча аҳоли пунктларини ўққа тутиб, Харьковга ҳаводан зарба берган.Фото: AP Photo
Харьковда Россия қўшинлари томонидан ўққа тутилиб, вайрон бўлган гимназиянинг спорт зали. Харьков вилояти маъмурияти раҳбари ўқ отишлари оқибатида қурбонлар йўқлигини маълум қилди.Фото: EPA
Изоҳ (0)