Москванинг шарқий қисмидаги «Руднёво» саноат зонасида жойлашган қурилиш майдонида 60 дан муҳожир таёқ ва биталардан фойдаланиб, муштлашув уюштирди, ҳодиса акс этган видео ижтимоий тармоқларда тарқалиб кетди.
Видеода муҳожирлар бир-бирини ҳақоратлаб, қурилиш чиқиндиларини улоқтираётганини кўриш мумкин. Низо иштирокчиларининг кўпчилиги тахталар, темир чивиқлар ва супургилар билан қуролланиб олганини кўриш мумкин.
Кейинроқ ўткинчилар гапириб беришича, битта қурувчилар гуруҳи бекорчи бўлиб ўтиргани учун, уларнинг ишини ҳамкасблари бажариши тўғри келган. Мана шу нарса, уларнинг фикрича, жанжални келтириб чиқарган.
Пойтахт полициясига муштлашув ҳақида маълумотлар келиб тушмаган. Жабрланганлар ҳақида ҳам ҳеч нарса маълум эмас.
Аввалроқ Россияда меҳнат муҳожирлари сони 500 минг кишигача камайгани, бу 2020 йил охиридаги кўрсаткичнинг чорак қисмини ташкил этиши хабар берилган эди.
Изоҳ (0)