Япониянинг станоклар ишлаб чиқарувчиси Мори Сеики Уляновскдаги заводи ва Москвадаги ваколатхонасини ёпди. Бу ҳақда компания президенти Масаҳико Мори Asahi Shimbun маълум қилди.
Унинг сўзларига кўра, Мори Сеики санкциялар таҳдиди туфайли Россияни тарк этишга қарор қилган. Компания ўзи ишлаб чиқараётган машиналар ҳарбий мақсадларда ишлатилмаслигига кафолат бера олмайди, деб тушунтирди Мори.
Биз турли мамлакатлар ҳукуматлари, хусусан, Япония, Германия, АҚШ ва бошқалар талаб қилаётган нарсани қилишга мажбурмиз. Мен фақат тинчликка умид қилишим мумкин, аммо компания сифатида белгиланган қоидаларга амал қилишдан бошқа иложимиз йўқ, — деди Мори.
Компаниянинг Россиядаги барча ходимлари ишдан бўшатилган. Уляновскдаги заводда 200 га яқин киши ишлаган, Москвадаги савдо ва хизмат кўрсатиш базасида ишлаган 70 га яқин ходим ҳам ишдан бўшатилган.
Ишлаб чиқарувчи Россия бозорини тарк этишнинг оқибатларини аҳамиятсиз деб атади, бу Мори Сеики умумий ҳажмининг 2 фоизини ташкил этади.
Ўтган йили компаниянинг Россиядаги айланмаси 8 млрд иенни (60 млн доллар) ташкил қилган.
Мори Сеики уруш бошланганидан кейин Россия бозоридан бутунлай чиқиб кетганини эълон қилган биринчи йирик япон компанияси бўлди.
Japan Tobacco, Toshiba Group, Toyota ва Sony каби япон компаниялари аввалроқ етказиб бериш, сотиш, инвестициялар ёки фаолиятга нисбатан бошқа чекловлар эълон қилган, бироқ уларнинг ҳеч бири тўлиқ Россияни тўлиқ тарк этмаган эди.
Изоҳ (0)