Yaponiyaning stanoklar ishlab chiqaruvchisi Mori Seiki Ulyanovskdagi zavodi va Moskvadagi vakolatxonasini yopdi. Bu haqda kompaniya prezidenti Masahiko Mori Asahi Shimbun ma’lum qildi.
Uning so‘zlariga ko‘ra, Mori Seiki sanksiyalar tahdidi tufayli Rossiyani tark etishga qaror qilgan. Kompaniya o‘zi ishlab chiqarayotgan mashinalar harbiy maqsadlarda ishlatilmasligiga kafolat bera olmaydi, deb tushuntirdi Mori.
Biz turli mamlakatlar hukumatlari, xususan, Yaponiya, Germaniya, AQSH va boshqalar talab qilayotgan narsani qilishga majburmiz. Men faqat tinchlikka umid qilishim mumkin, ammo kompaniya sifatida belgilangan qoidalarga amal qilishdan boshqa ilojimiz yo‘q, — dedi Mori.
Kompaniyaning Rossiyadagi barcha xodimlari ishdan bo‘shatilgan. Ulyanovskdagi zavodda 200 ga yaqin kishi ishlagan, Moskvadagi savdo va xizmat ko‘rsatish bazasida ishlagan 70 ga yaqin xodim ham ishdan bo‘shatilgan.
Ishlab chiqaruvchi Rossiya bozorini tark etishning oqibatlarini ahamiyatsiz deb atadi, bu Mori Seiki umumiy hajmining 2 foizini tashkil etadi.
O‘tgan yili kompaniyaning Rossiyadagi aylanmasi 8 mlrd iyenni (60 mln dollar) tashkil qilgan.
Mori Seiki urush boshlanganidan keyin Rossiya bozoridan butunlay chiqib ketganini e’lon qilgan birinchi yirik yapon kompaniyasi bo‘ldi.
Japan Tobacco, Toshiba Group, Toyota va Sony kabi yapon kompaniyalari avvalroq yetkazib berish, sotish, investitsiyalar yoki faoliyatga nisbatan boshqa cheklovlar e’lon qilgan, biroq ularning hech biri to‘liq Rossiyani to‘liq tark etmagan edi.
Izoh (0)