«Реклама тўғрисида»ги қонун янги талқинда президент томонидан имзоланди.
Унга кўра, Ўзбекистонда ишлаб чиқарилган пивони, табиий ва кўпикланадиган виноларни реклама қилишга қуйидаги ҳолларда рухсат берилади:
- меҳмонхоналарда, савдо ва умумий овқатланиш жойларининг савдо залларида, бу турдаги маҳсулотлар истеъмол қилинадиган жойларда;
- Ўзбекистонда ишлаб чиқарилган пивони, табиий ва кўпикланадиган виноларни ишлаб чиқарувчи компаниянинг расмий веб-саҳифаларида;
- темир йўл ва ҳаво транспорти воситаларида;
- телевидение ва радио орқали маҳаллий вақт билан соат 23:00 дан 07:00 га қадар;
Рекламаларга қўйиладиган бир нечта талаблар мавжуд. Мисол учун реклама спортга оид муваффақиятга эришиш ёки жисмоний ва руҳий ҳолатни яхшилаш учун муҳим аҳамиятга эга деган таассуротни уйғотмаслиги керак.
Янги қоидалар 2022 йилнинг 7 августидан кучга киради.
Изоҳ (0)