Жорий йилнинг биринчи чорагида Россияга «кнопкали телефон»ларни етказиб бериш ўтган йилнинг шу даврига нисбатан 43 фоизга ўсди ва 3,5 млн қурилмага етди. Бу ҳақда РБК хабар берди.
Шу билан бирга, смартфонлар етказиб бериш 14 фоизга қисқариб, 6,8 млн донани ташкил қилди.
GS Grup таҳлилий маркази раҳбари Александр Сурковнинг сўзларига кўра, январь ойида Россияга смартфон етказиб бериш ўтган йилги кўрсаткичга тенг бўлган, февралда эса «кнопкали» телефонлар импорти кўпайган.
Март ойида иккала тоифадаги телефонлар ҳажм кескин пасайиб, жами 1,6 млн донани ташкил этди, бу ўтган йилларга нисбатан бир ярим-икки бараварга кам.
Бугунги кунда смартфонлар ва «кнопкали» телефонлар сотувидаги нисбатга кўпроқ истеъмолчи бўлмаган омиллар таъсир кўрсатади: логистика беқарорлиги, брендга содиқлик, — деди Александр Сурков.Маълум бўлишича, бутун дунё бўйлаб харид қобилиятининг пасайиши сабаб бу турдаги телефонлар бутунлай бозордан чиқиб кетиши ҳам мумкин.
Украинада уруш бошланганидан сўнг баъзи хорижий смартфон брендлари ўз маҳсулотларини Россияга етказиб беришни тўхтатди. Улар орасида ушбу бозорнинг энг йирик компаниялари Apple ва Samsung ҳам бор эди.
Бундан ташқари, логистика ва нархлар билан боғлиқ муаммолар туфайли Хитойнинг Xiaomi, Huawei ва Оppо компанияларининг жўнатмалари март ойи бошида деярли икки баравар қисқарди.
Аввалроқ Apple Россияда маҳсулот сотишни тўхтатгани ҳақида хабар берилган эди.
Изоҳ (0)