Турк лираси АҚШ долларига нисбатан беш ойлик энг паст даражага тушиб кетди. Бунга пул-кредит сиёсати сўнгги 20 йилдаги энг тез инфляция суръатини чеклаш учун жуда эркин қолгани сабаб қилиб кўрсатилмоқда. Бу ҳақда Bloomberg хабар берди.
24 майда лира бир доллар учун 0,7 фоизга пасайиб, 16,0477 ни ташкил этди. Бу ўтган йил охиридаги валюта инқирозидан бери энг паст кўрсаткичдир.
Апрель ойида истеъмол нархлари йиллик 70 фоизгача ошди, бу банкнинг 14 фоизлик ставкасидан анча юқори.
Энергия харажатларининг ўсиши фонида жорий ҳисоб тақчиллигининг кенгайиши ҳам валютага босим ўтказмоқда ва мамлакатнинг хорижий валюта буферларини қуритмоқда.
13 майда якунланган етти кун ичида захиралар 4,8 млрд долларга қисқарган. Бу жорий йилнинг энг юқори кўрсаткичидир.
Туркиянинг марказий банки пайшанба куни ставкалар йиғилишини ўтказади.
Аввалроқ Туркияда инфляция 20 йилдан бери энг юқори даражага кўтарилгани ҳақида хабар берилган эди.
Изоҳ (0)