Қозоғистонда биринчи атом электр станцияси 2035 йилга келиб пайдо бўлиши мумкин. Бу ҳақда Олмаотада АЭС қурилишининг иқтисодий жиҳатларини муҳокама қилишга бағишланган давра суҳбатида маълум қилинди, деб ёзмоқда Tengrinews.
«Тайёргарлик ишларига тахминан беш йил кетади: бу техник-иқтисодий асослаш ва лойиҳа-смета ҳужжатларини ишлаб чиқишдан иборат бўлади. АЭС қуришнинг асосий муддати тахминан олти йилни ташкил этади. Лойиҳани амалга оширишнинг умумий муддати қарор қабул қилинган кундан бошлаб 10-11 йил бўлади.
Яъни, АЭСни ишга тушириш 2035 йилда амалга ошиши мумкин, агар келгуси йил ичида реактор етказиб берувчиси ҳақида қарор қабул қилиб, техник-иқтисодий асослаш ҳужжатларини ишлаб чиқа бошласак, албатта», — деди «Қозоғистон атом электр станциялари» компаниясининг бош директори Тимур Жантикин.
Аввал Олмаота вилоятидаги Улкен шаҳарчаси атом электр станциясини қуриш учун энг муносиб жой экани айтилганди.
Изоҳ (0)