Туркманистоннинг Ахал вилоятида машҳур тулпор «Акхан» ҳайкали ўрнатилади. Бу ҳақда Туркманистон давлат ахборот агентлиги хабар қилган.
Хабарга кўра Туркманистон президенти Сердар Бердимуҳамедов халқнинг миллий ғурури рамзи ҳисобланган ахалтекин отларининг обрўсини янада оширишга қаратилган қарорни имзолаган.
Ҳужжатда ҳайкалнинг қурилиш ишларини май ойида бошлаш ва уни декабрда тайёр қилиш зарурлиги қайд этилган.
«Акхан» лақабли от ҳақида Туркманистон ОАВ 2017 йилда ёза бошлаган, ўшанда мазкур тулпорни миниб олган чавандоз ёпиқ иншоотлардаги ўйинлар ҳамда жанговар санъатлар бўйича спорт мусобақалар V Осиё ўйинлари машъаласини ёққанди. 2018 йилда от 10 метр масофани 4,19 сонияда босиб ўтиб, мазкур йўналишда рекордни янгилаган.
2021 йил 22 мартда президент Гурбангули Бердимуҳамедовга Акханнинг биринчи тойчоғи туғилгани хабар қилинди. Ашхободнинг 140 йиллиги муносабати билан от боласига пойтахт номи берилди. 2021 йил июлда давлат раҳбари Болқонободда Оқ юртлар биносини очиб берди, бу ерда концерт уюштирилиб, Galkynyş чавандозлар гуруҳи саҳна кўриниши кўрсатга ва президент уларга Акханни совға қилган.
Изоҳ (0)