Joriy yilning birinchi choragida Rossiyaga “knopkali telefon”larni yetkazib berish o‘tgan yilning shu davriga nisbatan 43 foizga o‘sdi va 3,5 mln qurilmaga yetdi. Bu haqda RBK xabar berdi.
GS Grup tahliliy markazi rahbari Aleksandr Surkovning so‘zlariga ko‘ra, yanvar oyida Rossiyaga smartfon yetkazib berish o‘tgan yilgi ko‘rsatkichga teng bo‘lgan, fevralda esa “knopkali” telefonlar importi ko‘paygan.
Mart oyida ikkala toifadagi telefonlar hajm keskin pasayib, jami 1,6 mln donani tashkil etdi, bu o‘tgan yillarga nisbatan bir yarim-ikki baravarga kam.
Bugungi kunda smartfonlar va “knopkali” telefonlar sotuvidagi nisbatga ko‘proq iste’molchi bo‘lmagan omillar ta’sir ko‘rsatadi: logistika beqarorligi, brendga sodiqlik, — dedi Aleksandr Surkov.Ma’lum bo‘lishicha, butun dunyo bo‘ylab xarid qobiliyatining pasayishi sabab bu turdagi telefonlar butunlay bozordan chiqib ketishi ham mumkin.
Ukrainada urush boshlanganidan so‘ng ba’zi xorijiy smartfon brendlari o‘z mahsulotlarini Rossiyaga yetkazib berishni to‘xtatdi. Ular orasida ushbu bozorning eng yirik kompaniyalari Apple va Samsung ham bor edi.
Bundan tashqari, logistika va narxlar bilan bog‘liq muammolar tufayli Xitoyning Xiaomi, Huawei va Oppo kompaniyalarining jo‘natmalari mart oyi boshida deyarli ikki baravar qisqardi.
Avvalroq Apple Rossiyada mahsulot sotishni to‘xtatgani haqida xabar berilgan edi.
Izoh (0)