Профессионал бокснинг суперенгил вазн тоифаси (-63,5 кг) вакили Шоҳжаҳон Эргашев (21-0, 19 КО) ўзининг навбатдаги жангини 26 май куни АҚШда ўтказади.
Аввалроқ унга ушбу жангда Буркина Фасо вакили Иссуф Кинда (18-5, 7 КО) рақиблик қилиши хабар қилинганди. Salita Promotions’нинг маълум қилишича, мазкур бокс кечасида Шоҳжаҳоннинг рақиби аргентиналик Луис Альберто Верон (19-3-2, 9 КО) бўлади.
Эргашев сўнгги жангини 2021 йилнинг декабрь ойида ўтказиб, унда Таиланд вакили Аэккауэе Кауманени нокаутга учратганди. Верон эса охирги марта 2021 йилнинг октябрида рингга чиқиб, унда Леонардо Амитранодан устун келган.
Шоҳжаҳон январь ойида профессионал боксдаги фаолиятини якунлаганини эълон қилганди. Бироқ орадан кўп вақт ўтмай боксга қайтганини эълон қилди.
Изоҳ (0)