Professional boksning superyengil vazn toifasi (-63,5 kg) vakili Shohjahon Ergashev (21-0, 19 KO) o‘zining navbatdagi jangini 26-may kuni AQShda o‘tkazadi.
Avvalroq unga ushbu jangda Burkina Faso vakili Issuf Kinda (18-5, 7 KO) raqiblik qilishi xabar qilingandi. Salita Promotions’ning ma’lum qilishicha, mazkur boks kechasida Shohjahonning raqibi argentinalik Luis Alberto Veron (19-3-2, 9 KO) bo‘ladi.
Ergashev so‘nggi jangini 2021-yilning dekabr oyida o‘tkazib, unda Tailand vakili Aekkaueye Kaumaneni nokautga uchratgandi. Veron esa oxirgi marta 2021-yilning oktabrida ringga chiqib, unda Leonardo Amitranodan ustun kelgan.
Shohjahon yanvar oyida professional boksdagi faoliyatini yakunlaganini e’lon qilgandi. Biroq oradan ko‘p vaqt o‘tmay boksga qaytganini e’lon qildi.
Izoh (0)