30 дақиқа ичида карамли запеканка тайёрлаймиз

Тухум, кефир ва карам қўшилган мазали запеканкадан татиб кўринг.

Керакли маҳсулотлар:

• карам – 500 грамм;
• сабзи – 1 дона;
• тухум – 3 дона;
• кефир – 130 мл;
• ун – 50 грамм;
• крахмал, қабартма – 0,5 чой қошиқ;
• пишлоқ – 100 грамм;
• кўкат, туз ва зираворлар.

1. Карам майда тўғралади ва туз билан аралаштирилади. Кўк пиёз ва сабзи ҳам майда тўғралади.
2. Тухум, кефир ва зираворлар аралаштирилади. Крахмал ва қабартма ҳам массага қўшилади.
3. Карам пиёз ва сабзи билан аралаштирилади.
4. Қолипга ёғ суртилади ва ун сепилади. Сабзавотлар солинади ва устидан тухумли аралашма қуйилади.
5. 190 даража печда 30 дақиқа давомида пиширилади.
6. Тайёр бўлишидан 5 дақиқа олдин қирғичдан ўтказилган пишлоқ сепилади.