Қуймоқли атиргуллар билан безатилган шуба салати рецепти

Барча севиб истеъмол қиладиган оддий салат қуймоқдан тайёрланган атиргуллар билан байрамона кўринишга эга бўлади.

Керакли маҳсулотлар:

Салат учун:

• лавлаги – 2 дона;
• сабзи – 2 дона;
• картошка – 2 дона;
• селд балиғи – 1 дона;
• пиёз – 1 дона;
• майонез.

• тухум – 1 дона;
• сут – 300 мл;
• ун – 80-120 грамм;
• ўсимлик мойи – 1 ош қошиқ;
• пишлоқ – 180-200 грамм;
• лавлаги – 2 дона;
• саримсоқ – 1-2 дона;
• туз ва зираворлар, майонез, кўкат.

1. Лавлаги, сабзи, картошка қайнатиб олинади.
2. Селд балиғи кичик бўлакларга бўлинади.
3. Қуймоқ хамири учун тухум, сут ва бир чимдим туз яхшилаб аралаштирилади. Сўнгра ёғ қўшилади.
4. Қуймоқлар бироз ёғланган товада икки томони қизаргунча қовуриб олинади.
5. Салат учун қайнатилган маҳсулотлар қирғичдан ўтказилади. Пиёз майда тўғралади.
6. Идишга аввал майонез солинади ва устма-уст картошка, селд балиғи, пиёз, сабзи, лавлаги жойлаштирилади. Ҳар бир қатлам орасига майонез солинади.
7. Безак учун суюқ пишлоқ ва лавлаги қирғичдан ўтказилади. Саримсоқ, туз, қалампир ва майонез билан аралаштирилади.
8. Қуймоқларга лавлагили аралашма суртилади ва рулет шаклида ўралади.
9. Салат усти салат барглари ва қуймоқли атиргул билан безатилади.