Мол гўшти ва қўзиқориндан печда пишириладиган мазали таом рецепти

Пишлоқ, гўшт, пиёз ҳамда қўзиқорин биргаликда ажойиб таъмни ҳосил қилиши шубҳасиз.

Керакли маҳсулотлар:

• мол гўшти – 700 грамм;
• пиёз – 1 дона;
• қўзиқорин – 300 грамм;
• ўсимлик ёғи – 4 ош қошиқ;
• майонез – 2-3 ош қошиқ;
• пишлоқ – 150 грамм;
• туз ва зираворлар.

1. Мол гўшти майда, пиёз паррак, қўзиқоринлар эса иккига бўлиб тўғралади.
2. Гўштга туз ва зираворлар сепилади. 10-15 дақиқага қолдирилади.
3. Ёғнинг ярми товада қиздирилади. Гўштнинг ҳар икки томони қизаргунча қовуриб олинади.
4. Кейин пиёз алоҳида қовуриб олинади ва гўшт, қўзиқорин билан биргаликда қолипга солинади. Устидан майонез қуйилади. 45-50 дақиқага 180 даража печга қўйилади.
5. Тайёр бўлгач, устидан қирғичдан ўтказилган пишлоқ сепилади ва яна 5-7 дақиқага печга қўйилади.