Худди McDonalds’даги каби картошка фри тайёрлаш рецепти

Мазкур рецепт ёрдамида қарсилдоқ картошка фри тайёрлаб, оила аъзоларингизни хушнуд қилинг.

Керакли маҳсулотлар:

• картошка —7-8 та;
• ўсимлик ёғи;
• туз;
• шакар кукуни.

1. Тозаланган картошкаларни қалинлиги 6-7 мм бўлган пластинкаларга бўлинади. Кейин бир хил қалинликда сомонча шаклида кесилади. Бир хил кесишга ҳаракат қилинг. Юпқа бўлаклар тез пишиб, куйиши мумкин.
2. Тўғралган картошкаларни шакар ва туз аралаштирилган сувга солинг. Картошкадаги крахмални ювиш муҳим аҳамиятга эга: қовураётганда бир-бирига ёпишиб қолмайди.
3. Идишдаги картошкаларни қоғоз салфетка устига олинг ва сочиқ билан қуритинг. Қовураётганда ёғ сачрамаслигини учун яхшилаб қуритиш керак.
4. Товага ўсимлик ёғи қуйинг. Ёғ яхшилаб қизигач, картошкаларни сийрак қилиб солинг.
5. Рафинадланган кунгабоқар ёки зайтун мойидан фойдаланинг. Қайта ишланмаган ёғ овқат таъмини бузади.
6. Қовуриш жараёнида таёқчаларни капгир билан айлантиринг. Бир текисда қизариши учун 5-7 дақиқа қовуринг.
7. Ортиқча ёғни олиб ташлаш учун тайёр газакни қоғоз салфетка устига қўйинг.
8. Иссиқлигида туз сепинг, кетчуп билан дастурхонга тортинг.