Ичига пишлоқ ва кўкат солиб, мазали чебуреклар пиширамиз

Хамири юпқа ва мазали ҳамда пишлоқ ва кўкат таъми уйғунлашган хушбўй егуликни, албатта, тайёрлаб кўринг.

Керакли маҳсулотлар:

• ун – 250 грамм;
• сув – 120 мл;
• ўсимлик ёғи – 2 ош қошиқ ва қовуриш учун;
• қаттиқ пишлоқ – 250 грамм;
• кўкатлар, туз.

1. Ун элакдан ўтазилади ва ёғ, қайнатилган сув, туз қўшиб, юмшоқ хамир қорилади. Хамир усти ёпилиб, 20-30 дақиқага тиндиришга қўйилади.
2. Пишлоқ қирғичдан ўтказилади. Кўкатлар майда тўғралиб, пишлоқ билан аралаштирилади.
3. Хамир 6-8 та тенг бўлакка бўлинади. Улар диаметри 18—22 сантиметр катталикда айлана шаклида ёйилади.
4. Хамирнинг ярим қисмига начинка солиниб, қолган ярим қисми устига қайриб ёпилади ва чети чимчилаб чиқилади.
5. Хамирнинг қолган қисми ҳам худди шу тарзда тайёрланади.
6. Товада яхшилаб қиздирилган ёғда егуликнинг ҳар икки томони қизаргунга қадар қовуриб олинади.