Ўзбекистонда 7 март куни COVID-19 га қарши 97 599 доза вакцина қўлланди, деб хабар бермоқда Соғлиқни сақлаш вазирлиги. Шундан 6 610 доза биринчи босқичда, 20 544 доза иккинчи босқичда ва 70 445 доза учинчи босқичда қўлланган.
Шу кунгача Ўзбекистонда жами 46 548 292 доза вакцинадан фойдаланилган бўлиб, улардан 1-босқичда эмланганлар 19 740 613 нафарни, 2-босқичда эмланганлар 15 596 080 нафарни, 3-босқич ва бустер доза билан эмланганлар 11 211 599 нафарни ташкил қилди.
Кеча эмлаш кўрсаткичлари бўйича юқори ўринларни:
- Тошкент вилояти (14 102 доза),
- Андижон вилояти (13 174 доза),
- Самарқанд вилояти (11 014 доза) банд қилган.
Таъкидлаш керакки, Ўзбекистонда 7 март куни 27 кишида коронавирус қайд этилиб, мамлакатда пандемия бошидан бери коронавирусга чалингани расман тасдиқланганлар сони 236 994 нафарга етган.
Аввалроқ Ўзбекистонга COVAX дастури доирасида вакцинация учун шприцлар олиб келингани, Ўзбекистонда ишлаб чиқарилган ZF-UZ-VAC2001 вакцинасининг яна 3,2 миллиондан ортиқ дозаси эмлаш учун топширилгани тўғрисида хабар берилганди.
Изоҳ (0)