«Давлат божи тўғрисида»ги қонунга ўзгартиш ва қўшимчалар киритиш ҳақидаги масала депутатлар томонидан кўриб чиқилмоқда. Бу ҳақда Олий Мажлис Қонунчилик палатаси депутати Расул Кушербаев маълум қилди.
Кушербаевнинг қайд этишича, нотариал ҳаракатлар учун тўланадиган божлар сезиларли даражада камайтирилмоқда. Хусусан, вафот этган фуқаронинг шахсий жамғариб бориладиган пенсия таъминотига нисбатан меросга бўлган ҳуқуқ тўғрисида гувоҳнома беришда давлат божидан озод қилиш мақсадида нотариал ҳаракатлар амалга оширилганда шахсий жамғариб бориладиган пенсия ҳисобварағидаги маблағлари учун давлат божини тўлашдан озод этилмоқда.
Шунингдек, миграция ва фуқароликни расмийлаштириш соҳасидаги ҳужжатларни расмийлаштириш ҳамда беришда етим болалар ва ота-она қарамоғидан маҳрум бўлган болалар идентификация ID-карталарини берганлик учун давлат божини тўлашдан озод қилиняпти. Мазкур имтиёз етим болалар ва ота-она қарамоғидан маҳрум бўлган болалар томонидан биринчи маротаба идентификация ID-карталари олганда қўлланилади.
Кўчмас мол-мулкни бошқа шахсга ўтказиш билан боғлиқ шартномаларни тасдиқлаганлик учун:
- агар кўчмас мол-мулк Тошкент, Нукус шаҳарлари ва вилоят марказларида жойлашган бўлса БҲМнинг 1,5 баравари — 405 минг сўм (амалда майдонига қараб БҲМнинг 1 бараваридан БҲМнинг 3 бараваригача);
- агар кўчмас мол-мулк бошқа аҳоли пунктларида жойлашган бўлса БҲМнинг 1 баравари — 270 минг сўм (амалда майдонига қараб БҲМнинг 50 фоизидан БҲМнинг 1,5 бараваригача);
- мулкдорнинг хотинига (эрига), унинг ва хотинининг (эрининг) ота-оналарига, болаларига ва уларнинг эрига ёки хотинига, набираларига, бувиларига, буваларига, ака-укалари ва опа-сингилларига БҲМнинг 10 фоизи — 27 минг сўм (амалда БҲМнинг 25 фоизи);
- жисмоний шахслар учун БҲМнинг 25 фоизи — 67,5 минг сўм (амалда БҲМнинг 50 фоизи);
- юридик шахслар учун ёки агар тарафлардан бири юридик шахс бўлса БҲМнинг 50 фоизи — 135 минг сўм (амалда БҲМнинг 1 баравари);
- мол-мулкдан текин фойдаланиш шартномаларини тасдиқлаганлик учун, бундан «п» кичик бандида белгиланган ҳоллар мустасно БҲМнинг 25 фоизи — 67,5 минг сўм (амалда БҲМнинг 50 фоизи);
- жисмоний шахслар ўртасида БҲМнинг 1 баравари — 270 минг сўм (амалда шартнома суммасига қараб жисмоний шахслар учун БҲМнинг 1 бараваридан БҲМнинг 2 бараваригача);
- юридик шахслар ўртасида ёки тарафлардан бири юридик шахс бўлса БҲМнинг 2 баравари — 540 минг сўм (амалда шартнома суммасига қараб юридик шахслар учун БҲМнинг 2 бараваридан БҲМнинг 4 бараваригача) этиб белгиланмоқда.
Қарз шартномаси суммаси чет эл валютасида ифодаланса, давлат божининг миқдори чет эл валютасидаги қарз суммасининг нотариал ҳаракат амалга оширилган санадаги Марказий банки томонидан белгиланган курс бўйича миллий валютадаги эквивалентидан келиб чиқиб ҳисобланади ва ундирилади.
Автомототранспорт воситаларини бошқа шахсга ўтказиш шартномаларини тасдиқлаганлик учун:
- автотранспорт воситаси учун БҲМнинг 3 баравари — 810 минг сўм (амалда транспорт воситаси двигателининг қуввати от кучига ва ишлаб чиқарилган санасига қараб БҲМнинг 2 бараваридан БҲМнинг 10 бараваригача);
- битта мототранспорт, мотоаравача, мотоқайиқ учун БҲМнинг 25 фоизи — 67,5 минг сўм (амалда БҲМнинг 10 фоизидан БҲМнинг 50 фоизигача);
- автомототранспорт воситаларини бошқариш ва тасарруф қилиш ҳуқуқини берувчи ишончномаларни ва автомототранспорт воситаларидан текин фойдаланиш шартномаларини тасдиқлаганлик учун бож бошқа шахсларга БҲМнинг 2 баравари — 540 минг сўм (амалда БҲМнинг 3 баравари) белгиланмоқда.
Изоҳ (0)