Фарғона вилоятининг Олтиариқ туманида жойлашган массажхоналарнинг бирида ёнғин содир бўлди, деб хабар беради вилоят ФВБ матбуот хизмати.
Маълум қилинишича, 25 февраль куни соат 01:00 да туманнинг «Қизилтепа» МФЙ, Сиҳатгоҳ кўчаси 2-уйда жойлашган «Рўзихон-Зулпидинжон орзуси» оилавий корхонасига қарашли массажхонанинг муолажа хонасида ёнғин чиққан. Оқибатда хонанинг 150 квадрат метр майдондаги ички ва том қисми ёнган. Содир бўлган ёнғинга ёнғин-қутқарувчилар 01:20 да етиб бориб, соат 02:15 да уни ўришга муваффақ бўлган.
Ёнғиндан массажхонанинг 320 квадрат метр майдони сақлаб қолинган. Ёнғин натижасида жароҳатланган ва ҳалок бўлганлар йўқ.
Ҳозирда ёнғиннинг сабаби ва етказилган зарар миқдори аниқланмоқда.
Аввалроқ Фарғонада газ баллон ташувчи автомашинада ёнғин содир бўлгани, Самарқанддаги ошхоналардан бирида ёнғин юзага келгани, Тошкентдаги «Янгиобод» бозорида ёнғин содир бўлгани тўғрисида хабар берилганди.
Изоҳ (0)