Samarqand viloyati Past Darg‘om tumanida 15-fevral kuni fastfud tayyorlash oshxonasida yong‘in sodir bo‘ldi. Bu haqda viloyat Favqulodda vaziyatlar boshqarmasi xabar qildi.

Qayd etilishicha, shu kuni soat 12:36 da tumanning “Qatorterak” mahallasida joylashgan yakka tartibdagi tadbirkorga tegishli hotdog-shaurma tayyorlash oshxonasida yong‘in sodir bo‘layotgani to‘g‘risida tuman FVBga xabar kelib tushgan.

Shunga ko‘ra, 2 ta yong‘in-qutqaruv ekipaji voqea joyiga soat 12:41 da yetib borib, soat 12:55 da yong‘in bartaraf etilgan.

Yong‘in oqibatida oshxonaning, taxminan, 8 kvadrat metr maydonda shift, tom qismi va ichki jihozlari yonib zararlangan. Hodisadan jabrlangan va halok bo‘lgan fuqarolar yo‘q.

Hozirda yong‘inning kelib chiqish sababi va moddiy zarar miqdori aniqlanmoqda.