Ijtimoiy tarmoqlarda gaz ballon tashuvchi avtomashinada yong‘in sodir bo‘lgani aks etgan video tarqaldi.
“Daryo” muxbirining aniqlashtirishicha, hodisa Farg‘ona viloyatining Uchko‘prik tumanidagi qishloqda sodir bo‘lgan.
Viloyat Favqulodda vaziyatlar boshqarmasining ma’lum qilishicha, 2022-yilning 23-fevral kuni soat 18:00 da Uchko‘prik tumani Katta kenagas qishlog‘i Kanalbo‘yi ko‘chasida joylashgan “Kenagas zilol suv” xususiy korxonasi bazasida yong‘in kelib chiqqan.
Hodisa oqibatida binoning tom qismi hamda “Hududgaz” korxonasiga qarashli gaz ballon tashuvchi Isuzu avtomashinasi, shuningdek, ushbu transport vositasiga ortilgan 99 dona suyultirilgan gaz ballonining 10 tasi yongan.
Yong‘in oqibatida “Hududgaz” korxonasi tuman filialining yollanma ishchisi I.X. kuyish tan jarohati olib, shoshilinch tez tibbiy yordam bo‘limiga yotqizilgan. Yong‘indan omborxonaning 80 kvadrat metr qismi saqlab qolingan.
Hozirda yong‘in sababi va zarari aniqlanmoqda. Mavzuga doir:
