Farg‘onadagi bozorda yong‘in chiqib, 25 ta kiyim-kechak do‘koniga zarar yetdi

Farg‘ona viloyatining Quva tumanida joylashgan bozorda 1-fevral kuni yong‘in yuz berdi. Bu haqda FVV matbuot xizmati xabar berdi.

Ma’lum qilinishicha, 1-fevral kuni soat 06:23 da “G‘alaba” MFY, Bo‘ston ko‘chasida joylashgan Quva savdo kompleksida (bozor) taxminan 25 ta kiyim-kechak do‘konining tomi, shifti va ichki qismi yongan.

Yong‘in o‘chirish ekipajlari voqea joyiga soat 06:27da yetib borib, yong‘in 07:10 da qurshab olingan va soat 07:37 da o‘chirilgan. Voqea joyiga viloyat hamda tuman FVBlari rahbar xodimlari va 11 ta yong‘in-qutqaruv ekipaji jalb etilgan.

Hodisa oqibatida fuqarolarning tan jarohati olish va halok bo‘lish holatlari qayd etilmagan. Hozirda yong‘in sababi va keltirilgan zarar miqdori aniqlanmoqda.

Avvalroq Farg‘ona shahridagi Bozorboshi ko‘chasida joylashgan savdo do‘konida yong‘in chiqqani haqida xabar berilgan edi. Mavzuga doir:

• Toshkentda yuz bergan yong‘inni yoritmoqchi bo‘lgan “Milliy” telekanalining ikki xodimi kaltaklandi
• Toshkentdagi do‘konlarning birida yong‘in sodir bo‘ldi
• Toshkendagi Jomiy bozori yaqinidagi omborxonada yong‘in chiqdi
• Urgut kiyim-kechak bozoridagi 6 ta do‘konda yong‘in sodir bo‘ldi