Мирзоҳид Убайдуллаев Иқтисодий тараққиёт ва камбағалликни қисқартириш вазирининг ўринбосари – Маҳаллабай ишлаш ва тадбиркорликни ривожлантириш агентлиги директори лавозимига тайинланди. Бу ҳақда вазирлик матбуот хизмати хабар берди.
Эслатиб ўтамиз, Маҳаллабай ишлаш ва тадбиркорликни ривожлантириш агентлиги Ўзбекистон президентининг «Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш бўйича давлат сиёсатининг устувор йўналишлари тўғрисида»ги қарори билан ташкил этилганди.
Маълумот учун, Мирзоҳид Убайдуллаев 1976 йилда Фарғона вилояти Фарғона шаҳрида туғилган, маълумоти олий. 1999 йилда Фарғона политехника институтини тамомлаган. Шунингдек, Вазирлар Маҳкамаси ҳузуридаги Олий бизнес мактабида таҳсил олган.
Ўз фаолиятини 1999 йилда Фарғона шаҳар Қиргули туман ҳокимлиги молия бўлими бюджет бўйича иқтисодчиси сифатида бошлаган. 2015—2016 йилларда Олий Мажлиси Қонунчилик палатасининг Бюджет ва иқтисодий ислоҳотлар қўмитаси раисининг ўринбосари, 2016—2020 йилларда Марғилон шаҳар ҳокими лавозимларида ишлаган.
2020—2021 йилларда Фарғона вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – вилоят иқтисодий тараққиёт ва камбағалликни қисқартириш бош бошқармаси бошлиғи лавозимида фаолият юритган. Тайинловга қадар у Фарғона вилояти Фарғона шаҳри ҳокими лавозимида ишлаган.
Аввалроқ Бухорода бир нечта туман ҳокимлари ўзгаргани, Наманган электр тармоқлари корхонаси директори Учқўрғон туманига ҳоким бўлгани, Ўктам Барноевнинг укаси Ромитан тумани ҳокими этиб тайинлангани тўғрисида хабар берилганди.
Изоҳ (0)