АОКАда 24 декабрь куни Экология ва атроф-муҳитни муҳофаза қилиш давлат қўмитаси раҳбарияти иштирокида матбуот анжумани бўлиб ўтди. Бу ҳақда «Расмий хабарлар» маълум қилди.
Қайд этилишича, «Яшил макон» умуммиллий лойиҳаси доирасида кўкаламзорлаштириш ишларини жадаллаштириш, дарахтлар муҳофазасини янада самарали ташкил этиш мақсадида «Долзарб 40 кунлик» эълон қилинган. Унга кўра, ҳар йили республика ҳудудларида 200 миллион дона кўчат экиш кўзда тутилган. 2021 йил кузида 75 миллион дона кўчат ўтқазилган. 2022 йил баҳор мавсумида 125 миллион дона манзарали ва мевали кўчатлар экилиши белгилаб олинган.
2021 йилнинг 23 декабрь ҳолатига 82 миллион 273 минг дона кўчатлар экилган. Бу режага нисбатан 109,7 фоизни ташкил этади.
Бундан ташқари, «яшилмакон» — ягона электрон базаси шакллантирилиб, жами 28 нафар мутахассис бириктирилган. Шу кунга қадар тизимга 58 миллион 815 минг 66 дона экилган турли хилдаги манзарали ва мевали дарахт кўчатлари киритилган.
Мавзуга доир:
- Ўзбекистонда 2022 йилда 500 минг гектардан зиёд томорқадан самарали фойдаланиш учун 100 миллион доллар ажратилади
- Ўзбекистонда 2021 йилнинг 10 ойи давомида дарахтларнинг ноқонуний кесилишидан келтирилган зарар 10 млрд сўмдан ошди
- «30 йиллик тарихимизда ҳар ҳашарда эълон қилинган кўчатлар амалда экилганида эди, Ўзбекистон ўрмонзорга айланиб кетарди» — блогер расмийларни табиат ўзгаришларига жиддий қарашга чақирди
Изоҳ (0)