Фаолияти давомида 30 миллион доллар маблағни қўлга киритишга муваффақ бўлган хонанда Билли Айлиш 18 декабрь куни 20 ёшга тўлди. Ёқимли овози ва ўзига хос услуби билан миллионлаб мухлислар қалбини забт этган қўшиқчининг ташқи кўриниши бир йил ичида қанчалик ўзгарди? People Talk нашри Биллининг таваллуд куни муносабати билан, унинг имиж билан боғлиқ ўзгаришларга назар ташлади.
Кўпчилик Биллини кенг ва қулай образни афзал биладиган қиз сифатида яхши билади. 2021 йилнинг бошида ҳам Билли айнан шундай имиж: oversize футболка ва кофталар, ноодатий маникюр ва яшил ранг аралаш соч турмакда кўриниш берган. У ҳатто «Грэмми» мукофотини ҳам мана шундай услубдаги кийимда қабул қилиб олган. Стилистларнинг мазкур образни танқид қилганига нисбатан эса унинг ўзи пинагини ҳам бузмаган.
Ҳаммаси 2021 йилнинг баҳор фаслидан бошланган. Яъни Билли айнан шу фаслга келиб кийиниш услубини кескин ўзгартиришга қарор қилган. Мухлислар эса бундай ўзгаришни кутмагани аниқ эди. Яшил аралаш қора сочлари билан хайрлашган хонанданинг кўнгли малласоч хоним бўлишни тусаб қолган. Ва бу унинг кўринишидаги ягона ўзгариш эмас эди.
Кенг ва эркин турадиган худи ва футболкаларини, очиқ ва назокатли кўрсатадиган кийимларга алмаштирган Билли ўзининг аввалги версиясига ўхшамай қолган, янада ёқимтой ва жозибали кўринган. Ўзгариш аслида унинг ички дунёси билан боғлиқ бўлган чоғи, ижод намунлари ҳам олдингидан бошқачароқ бўлиб янграган. Буларнинг бари харассмент (инсонни камситадиган ё таҳқирлайдиган, унинг учун ноқулай вазиятни юзага келтирадиган, унда уят ёки қўрқув ҳиссини уйғотадиган бутун бошли ножўя хатти-ҳаракатлар рўйхати ўрнига қўлланиладиган умумий бир атама) муаммоси ва ўзини қабул қилишга бағишланган янги «Happier Than Ever» альбомининг тақдимот вақтига тўғри келиб қолган.
Мухлислар ўз кумирини ёпиқ кийимда кўришга ўрганиб қолган, хонанда эса бу билан ўзига бўлган ишончсизликни яширишга уринган. Шу йўсинда у деярли бир йил давомида аёлларга хос назокатга урғу бериб кийинишни афзал берган. Шу вақт давомида сочлари калталаниб, янада очиқ кийинишни айтмаганда қолган нарса ўзгармаган.
Сентябрда ўзига хос бўлмаган образда кўриниш бериб, оммани лол қолдирган. Мерилин Монродан илҳомланган қўшиқчи тадбирлардан бирида Oscar de la Renta’нинг либосида ташриф буюрган.
Йил сўнгги, туғилган кунидан аввал эса у ўзига хос бўлган услубига қайтган. Сочини тўқ рангга бўяб, oversize услубидаги кийимларини кия бошлаган. Мухлисларнинг эса бундан боши осмонга етган, чунки улар кумирини айнан шу образда яхши кўрган.
Изоҳ (0)