Буюк Британия бош вазири Борис Жонсон ва рафиқаси Керрининг иккинчи фарзанди туғилди. Улар қиз фарзанд кўрганини маълум қилди, деб ёзмоқда BBC.
Керри Жонсон фарзандини Лондондаги давлат шифохоналаридан бирида дунёга келтирган, ҳозир унинг ва чақалоқнинг аҳволи яхши, деб билдирди бош вазирнинг вакили. Жуфтлик кўрсатган ғамхўрлиги ва қўллаб-қувватлови учун шифокорларга ўз миннатдорчилигини билдирган.
Бу Керрининг иккинчи, Жонсоннинг еттинчи фарзанди.
Борис Жонсон ва Керри Саймондс 2020 йилнинг февралида унаштируви ҳақида эълон қилган. Уларнинг апрель ойи охирида туғилган биринчи ўғлига ўша баҳорда бош вазирни COVID-19 дан даволаган шифокорлар шарафига Уилфред Лори Николас деб исм беришган. Жонсоннинг Саймондс билан никоҳи 2020 йил май ойи охирида қайд этилган, бу бош вазирнинг учинчи никоҳига айланганди.
Британия ҳукумати раҳбарининг аввалги турмушидан икки қизи ва икки ўғли, бундан ташқари, никоҳсиз туғилган яна бир қизи ҳам бор.
Мавзуга доир:
- Британия бош вазирининг таътил саёҳати харажатлари бўйича текширув бошланди
- Борис Жонсон ўз уйини ойига 4 минг фунт эвазига ижарага бермоқчи (фото)
- Яширинча турмуш қурган Буюк Британиянинг бош вазири Борис Жонсоннинг қаллиғи ижарага олган келинлик либоси (фото)
- Борис Жонсон ёш севгилиси билан жанжаллашди
Изоҳ (0)