Хитойда нейтраллаштирувчи антитаналар асосида ишлаб чиқарилган ва COVID-19 га қарши қўлланадиган илк комбинацияли терапия тасдиқланди. Бу ҳақда ХХР фармацевтика маҳсулотларини назорат қилиш давлат бошқармаси матбуот хизматига таяниб, «Korrespondent.net» хабар берди.
Дори воситаси катталар ва 12 ёшдан 17 ёшгача бўлган ўсмирларда коронавирусни даволашда қўлланади. Инъекцияга мўлжалланган эритма шаклидаги препаратни рўйхатдан ўтказиш тўғрисидаги аризани Пекиннинг Tengsheng Huachuang Pharmaceutical Technology компанияси топширган.
Препаратнинг компонентлари БРИИ-196 ва БРИИ-198 деб ном олди. Таъкидланишича, бу ХХРда мустақил интеллектуал мулк ҳуқуқлари билан тасдиқланган илк комбинацияли терапия.
Аввалроқ Буюк Британия дунёда биринчи бўлиб COVID-19 га қарши Американинг Merck ва Ridgeback Biotherapeutics компаниялари томонидан ишлаб чиқилган антивирус таблеткаларини маъқуллагани хабар қилинганди.
Буюк Британияда препаратга Лагеврио номи берилган. Ўтган ойларда ўтказилган тадқиқотлар шуни кўрсатдики, препарат коронавируснинг оғир шаклини бошдан ўтказиш эҳтимоли юқори бўлганлар учун ўлим ёки касалхонага ётқизиш хавфини икки баравар камайтириши мумкин.
Изоҳ (0)